الضمى /... روح اشتعال الصدر تحت الضلع من أول جفافه
ـــــــــــــــــــــــ والمساء /... بوابة الشعـر الغريب المنكسر بين الأمـاني
كل ما مديت حزني للسمــاء طاحت من " الغيمة " نفافه
ـــــــــــــــــــــــ والقلم /... ريحه يبعثرها على أوراقـــي كثـر ما هي تعـــاني
قلت : بسم الله " أبطلق أجنحــة بالي " إلى آخر مســــافه
ـــــــــــــــــــــــ لين أشـــق الفجر بيدينــي على ترنيمـــة طيـــور الأغاني
السهر /... قبر ٍ يسافر بي " الحزن " نحوه وأنا جدا ً أخافه
ـــــــــــــــــــــــ لكن أقدر آتلحـف جمـــره " الغافــي " بلا شك ف كياني
كيف ؟! هذا الشعر وش جابه من ضلوعي سوى ليل احترافه
ـــــــــــــــــــــــ بس ؟ ! دق الصدر تفتـح نافـذة عمـر المشاريه ف زماني
كانت الليله تذوب النــار ف عيونه على َ حر إرتجافه
ـــــــــــــــــــــــ كنّه أقرب من بعيد الحزن وأبعد من قريب إلـ وجه ثاني
طفل .. يتعلم من جروحه متى مــا كان صدر أمّه لحافه
ـــــــــــــــــــــــ به سكاكين الضياء في حكمته شقت من الظلم المحــاني
لو فسـخ جلده من عظامـه نبـت حلمه عليــــه أول غلافه
ـــــــــــــــــــــــ أبسط آماله يكون أصعب من الحلـــم البعيـد الأرجـــواني
ما تهجّى إلا البحر يَرْكَبْه من صغــره قبل يرمـــي اعترافه
ـــــــــــــــــــــــ وده يعاتــب عيون الشمـــس خلينـي أفضفــض للمواني
ليش ! يكسر والدي مجدافي الراحـل تحـــت ذنب اقترافه ؟!
ـــــــــــــــــــــــ هو بقى موج ٍ يغرقني من كفوفه عليـــه وما خذاني ؟!!
إيييه إطلق ما بقى في صوتـك المبحوح هذا الوقت آفه
ـــــــــــــــــــــــ طلقتك رعد ٍ يجيب الخوف يوم البــرق يعبث ف المباني
العتب تجريد روح الصبـر بعد الضيـق يامـر بإنكشــــافه
ـــــــــــــــــــــــ أعتب أكثر من " رماح أفواهـ " تقربني كثير ومــا مداني
ليت ما كان العمــر حافي ركض من رجفته دون إلتفـافه
ـــــــــــــــــــــــ كان ما صوّت : مروحـة القدر حسبي عليك الله عشاني
الشعر غصن ٍ ثمر ضامي من يباسه وحان أول قطــــافه
ـــــــــــــــــــــــ والمساء /... رجل ٍ فتح بابه ومد يديـه يقطـــف له أماني
..
..