حبــك مصيبه

حبك مصيبه وجابها الوقت فيني
لاني بهاني بك ولاني بناسيك
انت بحياتك مهتني ياضنيني
وانا حياتي كلها منشغل فيك
لا الليل ليل ولا نهاري يبيني
واغمض عيوني وتحت جفني الاقيك
بين البكى والضحك محتار ويني
وبين الامل والياس واقف اناجيك
قل لي شسوي والالم محتويني ؟
يسكت فؤادي والجوارح تناديك
قربك وبعدك مشتقي الحالتيني
حتى رفاقي قالوا استهد واشفيك
لا يكون اسمك منكتب في جبيني ؟
كل من سألني صار باسمك يسميك
لاوفقه من دار بينك وبيني
خلاك تلعيني حبيبي وانا العيك
خايف اقضي مابقى من سنيني
لاني بهاني بك ولاني بناسيك[b][i]

Thank you for your taste in the upscale choice of words I liked what I read you long as you always creatively